خط سيري للشاعر الكبير أحمد قدري
لسة ماشى ف خط سيرى
لعبتى رص الكـلام
لســة بتهجى وكبيرى
لمـــا بتعـــــكنن بنام
لســــة طيب وبهبالة
مـودى يقبل اى حالة
لســـــة عايش زى الة
مش بتطفى مش الالام
لســـة حجر الحلم داير
فى الضباب يرســم تمنى
لسة شوق القـــلب طاير
يلوى ايدى غصـــب عنى
لسة رافــــــض الانكسار
قلبى عاشـــــــــق للنهار
لســــة بحكى باختصار
اى كلمـــــــــة حق عنى
لسة ماشـى فى الطريق
ضحكتى شـايلة الهموم
اتسحب جـــوة الغريق
واطلع اعـسـر فى الهدوم
لسة بكــــــــرة بينادينى
شمســـــه بتلون جبينى
لســــــه ضيه جوة عينى
بنسى جرحي معاه واصوم
-------------
#احمد_قدرى
تعليقات
إرسال تعليق