اجمل القصائد والقصص💫💫

 قصيدة / انا الخاينه مش انتَ اللى فهواك خاين أنا الخاينه رخِصت وهونت على نَفسى لقيتنى عليك بَقيت هاينه داريت عن قلبى وعيونى وسَكنتَك شرايينى وعقلى كان بنُصح كتير يمِد حِبال ينجينى وكُنت ارفض اسيب البير مهما النار بتكوينى واشوفَك حُضن حُب كبير يدفينى ويحيينى وهبتَك كل شئ فيّا  وروحى وقلبى وعينيا واقول لو ابعِد الفَرحه تروح وياك ومش جايه تراودنى شكوكى ساعات لكن أرجَع فى كَفَك ابات انا الفاكره ومَنسيه وبَخدَع كل ما فيّا وتقسى كتير على قلبى واسمّى القسوه حِنيه فهِمت كتير ألاعيبَك وعارفه الغدر كان عيبَك وعارفه انَك مالكش حبيب وعارفه انَك فى يوم هَتسيب لكن ماخطَرش يوم ع البال أبيع الحُب واسيبَك عَديت قلبى بعَمىَ ألوان عشان يهواك وسَكنتَك فى قلبى شيطان  وقولت مَلاك ومش فجأه ولا مُفاجأه خيانتَك من زمان باينه أنا الخاينه أنا الخاينه شِعر / مجدى حسن

 قصيدة / جَف المِداد الوِحدَه مش إنسان مبقاش مابين الناس لكن رَحيل إنسان كان هوَ كُل الناس فارِق ومالوش رجوع خَد ويّاه الشموع والنَبض والإحساس كل حاجه اتغيّرِت فى دُنيتَك ياشاعِر كل حاجه اتبخرِت ماتت كل المشاعِر مَبقتش حاجه بتسعِدَك كانت بتسعِد ولا بُعد حَد بيإلمَك ولا قُرب يسعِد اللمّه راحت والحبايب كلهُم مَبقاش بقيلَك حتى واحِد منّهُم لا بقيت تفكّر ف اللى راحوا ولا يوم بَقيت تِشتاقلُهم مَبقاش قلمَك يطاوعَك يوصِف فرحَك ودَمعَك عَدّى عليك الزمان خَد م القلب الحنان لا بقيت تفرَح بصُحبَه  ولا يوم يفرِق مكان نسيت كل اللى فات وشطَبت الذكريات دايمآ حاسس بغُربه محروم م الأمنيات مش كُنت زمان ياشاعِر أستاذ وصف المشاعِر ناس تبكى وناس بتفرَح وعقول فى الحرف تسرَح وسلاح ف الحَق يجرَح كُنت على الحرف قادِر صَحيت كام ألف قَلب عَلّمت قلوب تحِب كانت م الحُب تهرَب كانِت بتخاف تجرَب نزِلت من فوق السحاب ما اعرَف كلامى من سكوتى وحروفى هربِت م الكِتاب انادى ما بتسمَعش صوتى هقفل عليّا الف باب ليوم ماييجى وَقت موتى كانِت حروفى منوّرَه جَف المِداد فى المحبرَه وقيس وليلى حُب مات وعَبلَه هجرِت عَنتَرَه ...

 قصيدة  / بُستانى وقالوا عَنّى بُستانى وبَجمَع م الزهور الوان ونبضى وشوقى وحنانى بوزَعهُم فى كل مكان وعُمر العشق ما نادانى ولا عرِفلى فى يوم عِنوان مَلِك على عَرش مملكتى وسُكانها  من النِسوان وبَسمَعهُم وبَتبسِّم واقول  قولوا كمان وكمان داسِر مابينى انا ونَفسى وبين القلب والشريان حوريه بتجرى مع دَمّى بتسقينى غَرام وحنان لا يوم عينى تِشوف غيرها ولا تِقبَل ابات عطشان حبيبه ف دنيتى الانثى لابنسىَ يوم ولا تِنسىَ  بشوفها البيضا والسَمرا عيونها السودا والخَضرا بعيش بيها واعيش ليها لايوم نُهجُر ولا نِقسىَ مابينى وبينها مليون عَهد مانعرَف يوم خصام او بُعد حِكاية عِشق بنعيشها وفرشِتنا بنفرِشها بياسمين والوسايد وَرد اميرة عَرش مملَكتى وانا المملوك وبإرادتى مشاعرى معاها بَظهِرها  واكون فارس من الفرسان وفى تعاملى مَع غيرها بكون راهِب من الرُهبان شِعر / مجدى حسن

 قصيدة / وفاء  انا وانتى عَلّمنا العُشاق مَعنىَ الهوىَ ومَعنىَ الأشواق ولَغينا من كُل قاموسنا كِلمة وداع وعذاب وفُراق اول لمسِة ايد كانت لَمس ايدينا اول فرحة عيد عيشناها ف ليالينا اول حُب بِصدق واول نظرِة عِشق اتشافت ف عينينا وقولتى هعيش العُمر بعاهدَك  عُمرى ما اسيبَك تمشى لوحدَك قبلَك عُمرى ما كانلى حَبيب ولا هيكونلى حَبيب من بَعدَك واما تبعِد ادعى ترجَع بالسلامه واما ترجَع اجرى اقابلَك بابتسامه ومهما طال غيابَك بكون دايما هِنا بستنّىَ عند بابَك وبحضُن حِلمنا ولا كُنت اصدَق ييجى يوم ونقول وداع ولا كُنت اصدَق ان حِلم العُمر ضاع وكل احلامى اللى بيكى حِلمتها النهارده منّى ضاعت كُلها قولت حبيبتى محتاجلِك  هكون اهلِك واكون راجلِك هَكوِّن نَفسى وارجعلِك ومهما شقيت هجيب مَهرِك وقولتى حبيبى روحى معاك انا وقلبى بنستناك .وراجع اجرى على بيتِك فى جيبى المَهر ولقيتِك وواحد غيرى فى الشِباك شِعر / مجدى حسن

 قصيدة / وَجَع عَقلى صغيّر ع التفكير والأوجاع جوّايا كتير ليه جِبتونى وسَلمتونى لحياه مَبقاش فيها ضَمير كان نِفسَك تِبقالَك عِزوه وعيالَك حواليك بالكوم فاكِر يَعنى الدُنيا بتسوىَ ومافيش فيها أى هموم كُل طفولتى عَذاب فى عَذاب وحروف أحزان تِملا كِتاب عارِف يابا اللى محَزنّى لمّا بَشوف اطفال من سِنّى طِفل وحيد او بَس اتنين عُمر طفوله سَعيد عايشين لِعب فى نادى وفَرح سنين وِسط رعايه وحُب حقيقى وانا مِش شايف نور فى طريقى نِفسى أحِس بطَعم العيد والبِس زى  صحابى  جديد نِفسى أدوق طَعم الشيكولاته وأعيش سِنّى بكُل بَساطَه واصحىَ وانام من غير مواعيد م النوم بَصحا ونِفسى انام مع انى بعيش فى الاحلام واجرى بسُرعه وقلبى حزين بصعوبه بَكسَب قرشين بيهم اساعد باقى اخواتى لولا وجودى  هياكلوا منين ايوا الرِزق بوَعد خالِقنا شَرط السَعى كمان مَكتوب نِهرَب م الفَقر اللى خانِقنا طِفلين يوفوا بالمطلوب شِعر / مجدى حسن

 قصيدة / إنسىَ وضاع العُمر مِنّى بين يأس وبين تَمنّى واخلاصى وخيانتَك وطيبتى وحُسن ظَنّى تهجرنى تخدَع تخون ترجَع بدَمع العيون وكُنت بَقدر اسامح وينسىَ قلبى الحَنون من بَعد ليالى الحِرمان وعذاب الشوق والأحزان راجِع تانى تترجانى  وتفكَرنى بجرح زمان كُنت بتقسىَ  وقلبى بينسىَ وقت ما كُنت بحبَك لسّه فاكر قلبى هيترجانى ويحلفنى بحُبك تانى بعد ماسِبت سفينة عُمرى تايهه ف بَحر ومنغير مَرسىَ كُنت زمان م الدنيا حَبيبى قلبى نسيك وبقولَك إنسىَ اللى يفارق مَرّه ويبعِد سَهل يهون البُعد عليه واللى  بيخلف كل مايوعد يبنى يهد قلوب بإيديه يوم بتقرّب ويومين تبعِد دايمآ تخلِف كُل ماتوعِد احتَرت وتُهت ف احساسَك وبتكدِب بعَدد انفاسَك وبتتأسِف وبتتذلِل وبتكدِب وتقول بتجمِّل وعشان كدا صعب انى اكمِّل واحفظ عهدى معاك واتحمِل لا لا مش هقدر اسامحَك لا ونسيت حتى ملامحَك كِلمه هقولها واسيبَك وامشى ع الخاين ابدآ مااندمشى شِعر / مجدى حسن

 قصيدة / معاليكى بحاول دايمآ ارضيكى وبَزرَع نور فى لياليكى واحقَق كُل أحلامِك عشان تتبسِم ايامِك واشوف بَسمه على شفايفِك واشوف الفرحَه فى عينيكى مادقِش قلبى غير ليكى ودايمآ ايدى فى ايديكى ولمّا تغيبى لو لحظه يزيد النَبض يناديكى وعَيّشتِك فى دور مَلِكَه بقول شُبيكى  لُبيكى وكُرسى العَرش على قلبى وهبتُه أسير لمعاليكى ولَبستِك تيجان المُلك خلَعتيهُم وبإيديكى انا اللى جَنيت على نَفسى وسَكنتِك شرايينى قدِرتى ازاى ف يوم تِنسى بأرخَص سِعر بعتينى وسألونى كتير عَنِك وقولت النور لأيامى وكان آخر قرار منِك صدور فَرَمان بإعدامى وبدأوا ينفِذوا حُكمِك  ومقصَلتِك على جبينى لَقيت قلبى بيندَهلِك وبيقولِك وَحشتينى شِعر / مجدى حسن

 لا اقصد من الكلمات  الا  الإبتسامات  تحياتى وتقديرى  لكل الكِنّات الرائعات والحماوات الراقيات قصيدة / عزومِة حماتى مش قولت بلاش مِنها عزومه انا لا جعانه ولا محرومه إتغدّا مع امَك واخواتَك انا بينكوا غريبه ومهزومَه قولت هتزعَل منِك أمى وتشيّلنى هموم فوق هَمّى محتاج تدعيلى وتدعيلِك  ايامنا تكون أسعَد أيام يوم تروحيلها ويوم هتجيلِك ونعيش دايما فى هدوء وسلام دا انا بعامِلها معاملِة أمى ومعاملِتها بتحرَق دَمّى وبخاف ازعَل وانا لمّا ازعَل  لنا بَعرف مين أدامى ولا بتحكِّم فى كلامى روح وابعِد عَنّى اعمِل معروف ف غضبى لا انا بسمَع ولا اشوف بتقول امَك بتحبنى دى عليها كلام بيشلِّنى يوم قالت دابحَه عشانى خروف بالذِمه كان ع السفره خروف؟ طب فى خرفان ليهم جناحين يعنى انا مابَشوفش وليّا عينين نسيّت واديتنى بإيدها جناح وقالتلى دا م الأكل منابِك واليوسفى قالتلى عليه تفاح هيرجّعلِك تانى شبابِك يعنى انا عَجِزت ياجوزى  خلاص ؟  اصرخ تِتلَم علينا الناس واللا اسكُت يقتلنى سُكاتى ماتشوفلَك حَل مَع حماتى قول لها أنا إبنِك شاكلينى وبلاش تتشاكلى مع مراتى  شِعر / م...

قصيدة / اشواك  لَنا اول واحدَه زَرَعِت  بَسمه وطَرَحِت دموع بَدَأت طريق ورِجعِت بقلبَها مَوجوع ولا زَرعِت يوم أزهار وحَصَادها كان أشواك ما انا قلبى ف يوم اختار وغَصبنى اغرَق فى هَواك ولا عاشِت حُب بجَد وجَرَحها خيانِة عَهد ولا واحده بتبنى قصور وف غمضِة عين تتهَد وايدين بتاخُدها لفوووووق وتسيبها تُقَع ع الأرض انا وانتَ ياقلبى ضحايا للصدق وللوفا وحلِمنا بأحلى حكايه حِلم النور والدَفا مين فينا لحُبُه خان واللا انتَ خُنتنى واديت خاين أمان وبعشقُه ظلَمتنى ياما كُنت بقول كفايه أنساه وانسَىَ الحِكايه القاك دايما فى صَفُه بحنين تعنِد معايا مخلوق نَبضَك عشانى بِتدُق عشان اعيش خليتُه ليه مكانى وبَقيت لهواه تعيش فى غيابُه تتوِجِع تِفرَح لو يوم رِجِع واحتار بينَك وبينُه وآلامى تتسِمِع وكأن غيرُه مافيش وكأنى عصفور واتكَسَر وجناحُه منغير ريش بتطاردُه أحزان القَدر هوّا دا الحُب اللى قالوا عليه حَياه واللا جَرح ف قَلب ليلُه نهارُه آه بس هَقدَر تانى ابيع قبل ما يروح الربيع قَبل قَطر العُمر ما يكَمِّل طريقُه قَبل ما يروح الشباب ومعاه بَريقُه تبتسِم أيام زمانى تِصحا فى القلب الأمانى وابدأ احلَم ...

 قصيدة / زَمَن الغَرام زَمَن الغرام ولّىَ أصبح آلام واللا  بعض القلوب بتحِب وقلوب بتتسلّىَ هقفِل عينيّا  واديك ايديّا بَس ف هواك حافظ عليّا وعَدى بَحر الحزن بيّا اوعدنى يبقى الحُب بيننا ليل نهار وانى هَكون ويّاك فى جَنّه مش فى نار وانّى حبيبة عُمر مهما العُمر جار من غير ارادَه قلبى حَبَك وماكَنش فى الإيد اختيار اهرَب بعيد واللا احِبَك العَقل جَنب القَلب مالهوش اعتبار اثبتلى  واثبت للى قالوا ع الغَرام كل اللى بين اتنين تسالى والسلام وان الهوى مكتوب نهايتُه يبدأ فى وقتُه يموت فى وقتُه وان الكلام فى الحُب دا مُجَرَد كلام خلينى على همسَك أقوم خلينى على همسَك أنام نقول لكُل قَلب حَب واتكسَّر ان الغرام مخلوق لإسعاد البشر وان اللى خان ومالوش امان خاسر وعُمره لا فاز فيوم ولا انتصَر وللى قالوا مالوش مكان صِدق الهوى راح من زمان من عَهد آدم والغرام وَعد وقَدَر خلّى الطريق دايما معاك مفروش زهور خلينى احس انى فحِماك والضلمَه نور وان الهوى واحنا سَوا هو الدوا هو الأمان بيداوى اوجاع الزَمان اكبَر ومهما كبِرت افضَل وردِتَك وانا اوعِدَك انى اسعِدَك  ودايما ازرَع فوق شفايفَك بسمِ...

 قصيدة / بُرج الحَمَام ذِكريات ماتتنيسيش  لَومَرّحتى ألف عام كُنت أيامها بَعيش  ساكنَه قَلبى و ساكنَه عَقلى ع الدوام قَبل ما افهَم رَبّى ليه سَمّاها  (دُنيا) وان فيها الحَرب اكتَر م السلام لمّا كُنت آخد كِتابى  وقُلِّتى واطلَع اطّمِن على بُرج الحَمَام كان فى عِز البَرد اقوم من فَرشِتى اجرى واتشَعبَط وفوق الفُرن انام فى المكان دا وبس بَشعُر بالدفا أمى كانِت فيه بتخبِز عيشنا وفطيرنا وبتسَوّى البِرام وكان الخير مكفّينا بِزَرع بِتِزرَعُه ايدينا عَرَقنا بيروى أراضينا ولا غيرنا يأكِلنا ويتحكِّم فى يوم فينا فى المغربيه وف مَدخل الدَوار قاعده هَنيه مابين كِبار وصغار أهل وجيران واصحاب وكلهُم أحباب وكَنَكَه فيها الشاى على الراكيَه يحكوا قِصص ضاحكَه وقِصص باكيَه وكُل كبير ولُه هيبَه مابين الناس قلوب مَعجونه من طيبه ومن إحساس لَقَب إنسان ماكنش يادوب لَقَب إنسان دا كان مَعنىَ بيجمَعنا جَرَس وآدان ومشايخنا فى كتاتيبهُم يوصّونا نصون العِرض بنات العيله او غيرهُم حمايتهُم علينا فَرض ولو رجالَه فى طريقهُم يعدّوا ووشهُم فى الأرض وعِشق القَلب كان عُذرى وَلَد بيحِب بنت جيران يروح عل...

 قصيدة / شُكر ودُعا صدقينى لمّا اقولِك انى بَعشَق فيكى كُلِك ضحكتِك نظرِة عينيكى  رقتِك حنيتِك ورعشِة الحُب ف ايديكى حتى خَجلِك لمّا بَكتِب شِعرى فيكى عايشين فى بحر من الحنان غلطانَه واللا اكون غَلطان قلبِك يجينى يبوس جبينى ويعتِذر وتقوليلى انتَ نَفسى بالأمل بَددت يأسى مين لنفسُه يعتذِر غلطان وقلبى يعتذِر ولا قلبَك انتَ ينكِسِر وقتها بَرفع ايديّا  للسما شُكر ودُعا من فرحتى بأجمل هديه شَمس روحى الرائعه شُكر ربى ع الهديه والدُعا يخليكى ليّا نَبض قلبى ونور عينيا بتكونى جَنبى تسهر عيونى تحرسِك وبنبض قلبى اساوى شَعرِك والمسِك اتأكد ان الروح فى حُضنى وتهمسى بَحِبَك فى ودنى تحكيلى حلمِك وانا احققُه وافسرُه وبنبض قلبِِك بيتنا  الغرام بينوَرُه السؤال اللى دايما بسألُه وبيمُر ف خيالى لو ماكُناش اتقابِلنا كان ايه حالى وايه جَرالى يارب خَليها احرُسها واحميها على أد حُبى وحُبها الهمنى اهنيها شِعر / مجدى حسن

 قصيدة /  إهمال مع إنى عشِقت عينيكى وبقيتى شَمسى وقَمَرى مش هَفرِض نَفسى عليكى وان عِشت وحيد طول عُمرى دايمآ بَهتَم بحُبى مش كل دقيقه بحال ليه كل كلام من قَلبى يتقابِل بالإهمال يمكِن علشان حَبيت حُب ماعرفوش عُشاق وبإحساسى اتوَضيت ودَعيت مانشوفش فُراق واتأكدتى انى بَقيت بَتعذِب م الأشواق احساسى بحُبِك هان سِكنِت قلبى الأحزان بتغيبى كتير وتجينى ولا يوم فكَرت اعاتبِك ساكنَه ف قلبى وشرايينى ولا لحظه سكِنت ف قَلبِك ولقيتنى شويه شويه بَرفُض إهمالِك ليّه بَمحى ف قلبى الحنيٌه ومكانها زَرَعت أسيّه لا انا هَقدَر على نِسيانِك ولا واحده هَتملىَ مكانِك لا هَعيش بَعدِك أتألم ولا ابكى العُمر عشانِك هتكونى الذِكرى الحلوه لأيام عيشتها لمٌا كان الحُب غِنوه وعشِقت لَحنها مَعنَىَ كان لأحلى كِلمه وف يوم صِدقتها هتكونى مجرّد ذِكرَى مابقاش فى القلب مكانِك مالكيش فى اليوم ولا بُكرا ولا يوم هحتاج لحنانِك وكأن الحُب ف زَمَنى مَعناه غير مَعنَىَ زَمانِك شِعر / مجدى حسن

 قصيدة / عيشه هَنيّه بيقوللى ياريت كان بإيديّا كُنت اوهبلِك عُمرى هديه آخر شَهر وعارفَه الحال وظروف مش محتاجَه سؤال نتغدّى فول مع طَعميه ........   .........   ....... راجلى حَبيبى وكُل ما ليّا شَمسى وقَمرى وضىّ عينيّا مااحلا الفول مااحلا الطَعميه ويّا قلوب راضيه ومَرضِيّه لو هنعيشها كباب فى كباب  من غير حُب هتبقى عَذاب لُقمة فول تدينى بإيدَك واديلَك لُقمه بإيديا تفضَل عيدى وافضَل عيدَك تبقى عيشيتنا عيشه هَنيه مش بالأموال بس نعيش برضانا نعيش والحنيّه حُبك كِنزى وغيرُه ماليش اكبَر   بيرَجَعنى صَبيّه عيشنا الحِلم وصدقناه حِلمى وحِلمَك حققناه نِقفِل بابنا عليك وعليّا لو هنعيش ع العيش والميّه  منغير الفول والطَعميّه شِعر /  مجدى حسن

 قصيدة / إعزمينى إعزمينى ع الفَرَح وصدقينى مش هجيلِك والدموع باينَه ف عيونى هتلاقينى جيت لوَحدى راضى ببعادِك وبُعدى جَىّ منغير اللى كان بينِك وبينى لَو لآخر مَرّه اشوف الإبتسامه وانتى جَنبُه واقول حبيبتى مع السلامه هنسىَ عُمرى  معاكى والشوق والأمانى يجرى حِلمى وراكى أجرى واجيبه تانى بحنين سنينى وشوق حياتى هكفّنُه واحفُر لُه قَبر ف ذِكرياتى  وادفِنُه هقول سلام منغير كلام يافرحَه كانِت فى الحقيقه والمنام انا  جَىّ ابارك جَىّ اهنّى مش جَىّ اقولِ ليه ضِعتى  مِنّى محتاج اشوف اللى سَرق أحلام حياتى من بين الوف  اختار اميرتى وامنياتى من قلبى هدعيلِك بفرحَه وبسعاده يديكى أكتَر م اللى كان بيننا وزياده عارف حبيبتى البُعد دا ماكانش بارادتِك وعشان كدا بتمنىَ م الأيام سعادتِك انسِىِ كُل هَمسه بيننا لمَسه بيننا وابدأى معاه من جديد اما انا من بَعد جَنّه عُمرى يوم ماهكون سَعيد يمكِن اللى عليّا صَعب واللى مِنُّه هكون فى رُعب انى مش هَسأَل عينيكى  واعرف اطَمِّن عليكى ماتخافيش على قلبى ماخلاص اتجرَح وانسِى حُبى واعزمينى ع الفَرَح شِعر / مجدى حسن

 قصيدة /  بَعد الفُراق راجعالى ليه مش قولتى هيشيلنى ف عينيه وقولتى وَيّاه هبقىَ مَلِكَه هَسكُن ف قَصر وأحلى شَبكَه وهحقَق الحِلم اللى ياما حِلِمت بيه لا عمرُه يوم هَيسيب ايديّا ولا عُمرى يوم هَسيب إيديه قولتى الغَرام مش كل حاجه وحُبنا هَيفيد بإيه بإيديكى يومها خَذلتى قَلبى ودوستى  بغيابِك عليه يعنى الفراق كان باختيارِك وماكنش ليّا يَدّ  فيه والأيام بِتدور يوم عتمَه ويوم نور بَعد مابِعتى وامّا عرِفتى إنى بَقيت أقدر احقق كل طموحك تانى رجعتى من غيبوبِة طَمَعِك فوقتى وامّا لقيتى وعودُه سَراب راجعَه تقولى اننا أحباب عايشه حياه بميزان مصلَحتِك  قلبِك بيدُق عشان راحتِك فى البُستان من غير بُستانى  يدبَل أجمَل وَرد  واللى يعيش فى الدُنيا أنانى لايطول سَما ولا أرض مش اموالنا اللى بتحيينا وانا حذرتِك لو راجعالى بشوق ليالينا كُنت عَذَرتِك سبتى القلب ف لحظات ضعفُه ما وقفتيش ولا لحظَه ف صَفُه مابقاش ليكى ف قَلبى مكان ايوا غلِطتى ف العِنوان لا انا هقدَر على وَعد وأوفى ولا هتعيشى  ف حُضنى وتدفى لا هصدقلِك كِدب دموعِك ولا هَسمعلِك زَى زَمان شِعر / مجدى حسن

قصيدة / حِلم مُختَلِف مُشكلتى دايمآ انى مش بَعرَف أحوَّر فى الكَلام ولا بَعرف اكدِب أو انافِق زَيّكُم لكنّى عايش فى الحقيقه وفى المَنام وحِلمى دايمآ مُختَلِف عن حِلمكُم انا مش صَنَم ولا يوم بيسعدنى لَقَب أصحاب هِمَم أو حالتى يوم تِصعَب عليكُم واشوف دموع شَفَقَه ف عينيكُم وتقولوا مَسكين اتظَلَم خلَقنى رَبّى بحِكمِتُه ناقِص حاجات زايد حاجات وادانى عقل اكبَر كِتير من عَقلكُم يمكِن ما بنزِلش الملاعِب ولا كُنت يوم فى فريقوا لاعِب لَكنّى بتفَرَج كتير على لِعبُكُم سَعيد حقيقى انى اتخلَقت مُعاق بقلب خالى من طَمَعكوا ومَكرُكُم إنسان بَسيط عارِف حدودى دايمآ بدافِع عن وجودى وبحاول اثبِت للحياه إعاقتى فَضل من الإلَه وان الاعاقَه مش اعاقِة جَسَد ولا طِفل أبكَم أو كَفيف اتوَلَد لَكِن الإعاقه تِبقىَ قَسوِة قَلب لمّا يموت فيه الحَنان والحُب انا المُعاق فى جَسَدى مش عَقلى  طاهِر وباب السَمَا شاهِد ومَفتوحلى لو من عاهاتى وأُمنياتى  بتِسخروا وعَليّا يوم تتنَمَروا إن كُنتوا مش فاهمين تِبقوا انتوا مش شايفين مِثال على عَقل إتوَهَب وفِكر أغلىَ من الدَهب أديبنا ( طَه حُسين ) أصبَح عَميد الأدَب بعَقل ...

 قصيدة / قَضيّة طَرد كان بيننا عَهد وكَتبنا عَقد أسَكِنَك فى قَلبى ونعيش حِكاية حُبى يكون هواك فَرحِة سنينى واكون دفاك وانتَ تدَفينى وبَند الأُجرَه إخلاصَك دَفا مشاعرَك وإحساسَك تكونلى كل شئ فى الكون واكون أهلَك واكون ناسَك كتبنا العَقد كان أُجرَه ومش تَمليك لايوم تفلِت إيديك إيدى ولا تفلِت إيديا إيديك وسَكِنتَك غُرف قَلبى ودفيتَك فى أحضانى وغطيتَك بنور حُبى وخبيتَك فى شريانى فَرَشت القلب عَرض وطول شموع وموسيقى هاديه وورد ويافطَه ف كل رُكن تقول هنا حبيبين وضِد البُعد وبَعد ما كُنت تتمَنّىَ اكون جَنبَك وتتهَنّىَ بدأت البُعد والأعذار تغيب عَنّى وأستنّى بغيرَه وشوق وشَك ونار بَدَلت الأجرَه من سُكَّر لصَبر ومُرّ وخُفت بحُبنا أكفَر واعيش واقع معاك بالأمر ولمخالفِة شروط العَقد رَفَعت عليك قضيّة طَرد لَقيت الدَمع ف عيونَك بيقول مش بإيدى البُعد ونبضات قلبى شهدولَك وقالوا نعيش لأجمَل وَعد وقبل ماتُصدر الأحكام صرخت وقولت طَردُه حَرام حبيبى ماليش غِنَىَ عَنُه ونسيانى لذنوبُه فَرض صحيح فى العَقد كان ساكِن لَكِن فى القلب مالِك أرض شِعر / مجدى حسن

 اعتذر لاستخدام بعض الكلمات والتى قد تكون غير محبَبَه فى القصيده   قصيدة /  مَلِك الحِمير آسف مَلِك الحِمير بياكلوا من لحَمَك كِتير عَمَلوا مِنُه كَباب وكُفتَه وأكلوا مِنُه هُبَر وفَتَه مع كُل مَعدومى الضَمير آسف   مَلِك الحِمير عايش عشان تِشيل يادوب مش لَحمَه فى جِزارَه ومَصلوب مِنغير ضَمير مِنغير كِسوف باعوك على إنَك خَروف وان حتى كُنت من الدَواب كان مالَك انتَ بالكَبَاب مع ناس لاعِرفوا مَعنَى دين ولا خافوا من يوم الحِساب لو عِرفوا قيمتَك مِقدار ذكاوتَك ماكانوش فى يوم إستَحمَروك يمكِن لطِيبتَك وتُقل شيلتَك يوم استهانوا ويوم هانوك وباعوا من لَحمَك كِتير آسف  مَلِك الحِمير ماانا زَيَّك كُنت حِمار صابِر دايمآ وحامول بَتحَمِّل بَرد ونار وبَشيل فى هِموم وحِمول وبَقول الدُنيا عَمار واللى بيصبُر بينول واتارى الدُنيا مَصالِح والطالِح سِيد الصالِح مابقِتش الدُنيا مواقِف حِوارات وكَلام مَعسول تديهُم أد ماتِقدَر يسقوك المُرّ  ف سُـكَّر لَو تِتعب أو يوم تِكبَر طَلقَه وف الراس مش أكتَر إن كُنت حِمار مَغصوب انا كُنت حِمار بإرادتى بتشيل الناس والطوب مَنا شيلت ...

 {{ الأيام القاحلة }} 18-9-2023 قالت العجوز: لما طال بيا العمر وأصبحت  الأيام قاحلة،، رأيت دنيا الإنحلال تجمهرت  بوجهها في الآخرة،، أما أنا لازلتُ أجلس في ركن  حجرتي المهدمة،، جاء الشتاء ببردهِ فخر السقف  بالأعاصير القاتلة،، وهذه الأرض تمضي بعيدا"  كأنها  غاضبة،، يحق لها ان تغضب وتثور  أو تقرعنا القارعة،، إذ اتت جارتي طرقت عليَّ  بابي كالمطرقة،، صوتها كصرير الرياح حطم  الباب والنافذة،، قالت:  غرابيب سود بشرية أباحوا  مهنة العاهرة،، صككتُ وجهي وصراخ داخلي اصواته مدوية،، فإذا بي أستمع لنداء يقول قد رجفت الراجفة،، تزلزل قلبي وويل نفسي من يومٍ  شمسهُ حارقة،، وكأن جسدي على قِدرٍ زيت يغلي  تلك هي الصاعقة،، تلعثم لساني بالقول وشحب وجهي لأجل سعفةٍ يابسة،، اتخذتها وقودا" يشعرني بدفئٍ في ليلةٍ باردة،، فإذا مِتُ و ألحدوني ثم تركوني  وحدي في المقبرة،، الفكر يراود قلبي ويل نفسي من لحظةٍ محيرة،، فماذا يصنع معي الله أحيا  عليها عاصية،، من لأجل سعفةٍ والخوف يقتلني وأنا العجوز العابدة،، فماذا عن سارق الأوطان وصانع الآثام في ...

 صلوات الله وسلامه عليك حبيبى يا رسول الله  كل عام وانتم بخير وصحة وسعادة يا رب العالمين  ***** بقلم / جمعة البقارى  ****** رسول الله يا خير إنســان أتاك  الله قرآنا وسبع مثانى أرسلك الله للجن والإنسان أتيت للدنيا أنت ضياهـــا ***** يا  كاملا للذات والصفات نجيت الأمه  من الويلات بعثك ربي  بمحكم الآيات يؤجر من حفظها وتلاها ***** رسول الله يا خير البريه بشوش الوجه والطلعة البهية فبالصلاة  عليه يا أُخيه تفوز بالجنات وحماهـا ***** نور المصطفى فاق البدور فأبدل ظلمات الأكوان نـور هو الصفى الطاهر الطهور ان تراه كشمس فى ضحاها ***** صلاة الله  فى صبح ومساء على النبى ذي الوجه الوضاء كل من صلى عليه نال رضاء من الله الصلاة بعشر نماهـــا ***** رسول الله يا نورا تساما بالماسكين عطوف واليتامى نرجو الشفاعة يوم القيامه وشربة من حوضك يا طـه ***** رسول الله هو المعصومِ من أحبه برضا الله يروم وبخلد فى الجنات يـــدوم المجتبى أتى  للدنيا هُداها ***** صلوات الله عليك  حبيبـــى ما أشرقت شمس كذا تغيب من دعى الله بجاهه لا يخيب هديه من الله للخلق هداهــا...